نكت خفيفه وجميله

السلام عليكم

واحد بيسال واحد بخيل : لو كنت حاسس بالبرد تعمل اية:قالة اعد قدام الدفاية قال له : لو كنت بردان اكتر تعمل اية قال: اقرب من الدفايةاكثر قاله : لو بتموت من البرد تعمل اية: قالة اشغل الدفاية و امرلله مره واحد محشش وصاحبه قاعدين قعدة انس كده وكان المحشش بيدخن سجارتين فسألو صحبو انتا ليه بدخن سجارتين مع بعض قالو سجاره ليه وسجاره عشان اخويا الي في السجن
ففي يوم تاني وقعدت انس تانيه المحشش كان بيدخن سيجاره واحده بس فقالو صاحبو ايه اخوك طلع من السجن قالو لا انا بطلت التدخين لله...
اناشفتك قبل كده بس فين ....فين اه ...عرفتك انت اللي في نص الشهربتنور الليل
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول
يا بيه
واحد نايم جنب مراته فسمعت صوت، بتقوله قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع
مرة واحد فشار قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الفشار منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش

غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي